La Licorne ha du Lyon le courage,
Voix de Toreau, corps et crins de Cheval,
Teste de Cerf, queue de porc sauvage,
Piedz d'Elephant, prompte et legiere à mal.
Jamais n'est prins tout vif cest Animal.
Dessus son front une grand corne excelle,
Longue de deux coudées, et icelle
Mortelle en coup est contraire au venin.
Si grand fierté se rend à la pucelle,
Tant ha doulx traict visage feminin.